Legenda:
Radund 670'000 Australians s'identifitgeschan sco Aborigines e Torres-Strait-insulans.
Keystone
cuntegn
Exteriur - Pievels indigens duain vegnir renconuschids sco emprims abitants
Ils Aborigines ed ils Torres-Strait-insulans duain vegnir renconuschids en la constituziun sco ils emprims abitants da l'Australia. La regenza ha annunzià ina votaziun davart la midada da la constituziun.
Il mument n'è dentant anc betg cler, sche era dretgs indigens vegnian prendids si en la constituziun.
Ils Aborigines ed ils Torres-strait-insulans vivan dapi 60'000 onns en l'Australia e fan or radund 3% da la populaziun. Els crititgeschan gia dapi daditg da vegnir discriminads e d’avair dischavantatgs.
