Legenda:
Tar sclavaria moderna tutga er lavur sfurzada d'uffants.
Keystone
cuntegn
Exteriur - Passa 45 milliuns persunas èn unfrendas da sclavaria moderna
Quai resulta d'in rapport da l'organisaziun australiana per dretgs umans «Walk Free». Sco sclavaria moderna valan abus sexual, lavur sfurzada u maridaglias sfurzadas.
La pli blera glieud che viva sut circumstanzas da sclavaria datti tenor «Walk Free» en l'India, numnadamain passa 18 milliuns. Evaluar cifras exactas saja dentant fitg grev e quai en mintga pajais.
Il 2014 vivevan anc passa 35 milliuns persunas sut circumstanzas da sclavaria. Quai èn radund 10 milliuns pli pauc che actualmain. Tenor ils auturs dal rapport è quai resultat dentant principalmain d'attribuir a meglieras cundiziuns da retscherca.
