Legenda:
La polizia ha segirà la secziun enturn il post da polizia attatgà.
Keystone
cuntegn
Exteriur - Paris: Stadi islamic ha attatgà in post da polizia
L'attatgader sin in revier da polizia a Paris ha purtà cun el in scriver da confess ed ina bandiera da la gruppa terroristica Stadi Islamic, communitgescha la procura publica da Paris.
La procura publica ha instradà ina inquisiziun da terror. L'identitad da l'um n'è anc betg enconuschenta.
L'avantmezdi aveva l'um empruvà d'entrar en in post da polizia. El ha attatgà il revier cun ina cuntgadella da mazler. Policists han sajettà giu l'um. L'attatga è succedida exact in onn suenter l'attentat da terror sin la gasetta da satira franzosa «Charlie Hebdo». Lura èn mortas 11 persunas.
