Tar la messa ha papa Francestg declerà sontgas quatter mungias. Tranter questas la mungia Marie Alphonsine Ghattas da Jerusalem eMariam Bawardi d Galilea. Ghattas è naschida il 1847 a Jerusalem e morta il 1927. Papa Benedetg XVI ha beatifitgà ella il 2009. Bawardi è naschida il 1843 a Galilea, oz Israel. Ella ha passentà bler temp en Frantscha ed è morta 1878 a Bethlehem. Il 1983 è ella vegnida beatifitgada da papa Paul II.
Las mungias han cumprovà l'unitad tranter nus e la charezzia envers tuts.
Plinavant ha papa Francestg canonisà la mungia franzosa Jeanne-Emilie de Villeneuve e Maria Cristina dell’Immacolata da l’Italia. Il president dals Palestinais Mahmud Abbas ha persequita la messa ensemen 2’000 cartents dal Proxim Orient.
RR novitads 14:00