Legenda:
Speranza nova en in conflict vegl -
a Vienna è vegnida decidida ina pausa da cumbat per la regiun muntogna da Karabach.
Keystone
cuntegn
Exteriur - Muntogna Karabach – pausa da cumbat
En il conflict en la regiun dal Kaukasus e la muntogna da Karabach è vegnida decidida ina pausa da cumbat. Ils presidents dal Aserbaidschan e da l’Armenia èn sa cunvegnids a questa pausa tar in inscunter a Vienna.
Tenor ina decleraziun communabla vulan ils dus presidents discussiunar vinavant il zercladur. Sin intermediaziun da la Russia, ils Stadis Unids e la Frantscha era quai l’emprim inscunter dals presidents da l'Aserbaidschan e da l’Armenia suenter ch’il conflict era escalà l’entschatta d'avrigl.
Tar ils cumbats eran vegnids mazzads almain 110 schuldads e civilists sin omaduas varts.
