La regenza tudestga lubescha ina procedura d'inquisiziun cunter il satiricher dal ZDF Jan Böhmermann. Il president tirc Reccep Tayyp Erdogan rinfatscha a Böhmermann d'avair disfamà el cun ina poesia. La chanceliera tudestga vul dentant stritgar in artitgel ord il cudesch da dretg penal.
Ella saja dal maini che quest artitgel saja danvanz ha ditg Merkel a Berlin. (Il paragraf 103 reglescha co ir enturn cun disfamar in president d'in stadi ester).
A la conferenza da medias ha la chanceliera tudestga Angela Merkel però insistì sin il dretg fundamental da la libertad d'opiniun e da pressa ed er pretendì quai da la Tirchia. Betg la regenza mabain la procura publica e las dretgiras hajan l'ultim pled. I vala la presumaziun d'nnocenza.
