Legenda:
Theresa May vul far via libra per spustar il Brexit.
Keystone
cuntegn
Exteriur - May fa libra via per spustar Brexit
In Brexit nunreglà u spustar il Brexit per in curt temp, quai èn las duas variantas che la primministra britannica, Theresa May vul dar al parlament. Quai han rapportà la «Financial Times». Quai vul May dentant be, sch'i na gartegia betg d'approvar la cunvegna da Brexit fin ils 12 da mars.
Ina proposta vul Theresa May preschentar als deputads gia la mesemna, là vegn discutà vinavant davart ils proxims pass en il Brexit. Glindesdi aveva May anc declerà da sa tegnair vi da la data da bandunar l'Uniun europeica ils 29 da mars.
Sch'i na gartegia betg a May da calmar ils rebels, pudess ella perder mesemna la controlla davart il proceder dal Brexit. Plirs commembers da la regenza han smanatschà da far ina proposta che sfurzass May da spustar il Brexit.
