Legenda:
Quests maletgs paran da sudir tar il passà.
Keystone
cuntegn
Exteriur - Lufthansa è sa cunvegnida cun ses pilots
En la dispita per pajas, rentas e pensiuns anticipadas han la societad aviatica Lufthansa e ses pilots dal sindicat Cockpit sa cunvegnids. Ins haja chattà ina cunvegna da principi, ha communitgà la Lufthansa.
Ils ultims onns avevan ils pilots da la Lufthansa adina puspè fatg chauma. Gia avant in mais aveva quai dà ina cunvegna tranter la societad aviatica ed ils sindicats concernents las pajas. Uss valan las cunvegnas concernent pajas e pensiuns fin il zercladur 2022, communitgescha la Lufthansa.
Conflict da tariffa dapi il 2012
Las dispitas sur da las tariffas dura gia dapi il 2012. En tut era quai vegnì tar 14 chaumas cun custs d’ina mesa milliarda euros e bleras rundas da contractivas.
