Legenda:
Grondas fullas da fugitivs arrivan adina puspè en l'Italia.
Keystone
cuntegn
Exteriur - L’Italia ed ils problems cun ils fugitivs
La regenza taliana admonescha ch’il sistem da salvar fugitivs pudessi dar ensemen, quai sch’ils gronds dumbers da fugitivs che vegnan sur la mar mediterrana na tschessan betg. Il burdi che l’Italia portia saja enorms ha ditg il minister dal exteriur talian Paolo Gentiloni a las medias talianas.
Quai na saja betg ina smanatscha, i saja sulet la realitad che l’Italia na vegnia betg da surmuntar questa unda da fugitivs senza l’agid da l’Uniun europeica menziunescha Paolo Gentiloni. Bun trais quartas da tut ils migrants ch’èn vegnids illegalmain il 2014 en l’Europa han fatg quai sur l’Italia.
