Kim Jong Un fa pretensiuns als Stadis Unids. Sco quai ch'il schef da la Corea dal Nord ha ditg en ses pled da Bumaun vul el che Washington aboleschia las sancziuns. Sche quai na capitia betg stoppia ses pajais ponderar ina nova via per proteger la suveranitad ed ils interess nordcoreans, uschia Kim. Sco questa nova via pudess lura da vesair ora, na concretisescha el dentant betg.
Pront per in inscunter cun Donald Trump
El saja dentant da tut temp pront da s'inscuntrar cun il president american Donald Trump. Il medem mument ha Kim er pretendì ch'ils Stadis Unids termineschian ils manevers militars ensemen cun la Corea dal Sid.
RR novitads 06:00