Legenda:
Las scuvertas da Panama-Papers pudessen custar ses post. Il primminister islandais Sigmundur Gunnlaugsson.
Keystone
cuntegn
Exteriur - Islanda: Opposiziun pretenda demissiun da Gunnlaugsson
Sin fundament da las scuvertas davart affars finanzials cun firmas da chaschas da brevs en il Panama ha l'opposiziun da l'Islanda pretendì ch'il primminister Sigmundur Gunnlaugsson sa retiria. Lez refusa ina demissiun.
Ensemen cun sia dunna duai il politicher esser stà l'atun 2007 conpossessur d'ina firma da chascha da brevs. En questa duain esser culads plirs milliuns dollars che la dunna aveva artà. Il 2009, cura che Gunnlaugsson è daventà deputà dal parlament n'haja el betg inditgà sia participaziun a questa firma.
L'anteriura primministra Johanna Sigurdardottir ha declerà che Gunnlaugsson duai sa retrair per immediat. Per la saira èn annunziadas diversas demonstraziuns.
