Las differenzas tar las entradas e la malsegirezza sociala hajan manà l’onn passà a fermas midadas politicas. E pervi da quest svilup pudessan ils ristgs globals anc daventar pli privlus, hai num en il ‘Global Risks Report 2016’. Perquai duain ils pussents dal mund prender urgentamain mesiras cuminaivlas per limitar povradad e malsegirezza en il proxim decenni.
Per il rapport ha il WEF consultà 750 experts da ristg en ils secturs economia, politica, scienza e societad civila en tut il mund.
RR novitads 11:00