Legenda:
In chavogn per il president tirc Erdogan -
la chombra da pressa da la dretgira civila e penala da Cologna refusà il plant encunter il schef da «Springer», Mathias Döpfner.
Keystone
cuntegn
Exteriur - In chanaster per il president tirc Erdogan
Sco presumà ha la chombra da pressa da la dretgira civila e penala da Cologna refusà il plant dal president tirc, Recep Tayyip Erdogan, encunter il schef da la chasa editura «Springer», Mathias Döpfner.
Il glindesdi aveva Erdogan pretendì entras ses advocat tudestg, Ralph Höcker, ina disposiziun provisorica encunter il schef da Springer, Mathias Döpfner. La raschun: Döpfner haja sustegnì la poesia disfamanta dal satiricher tudestg Jan Böhmermann.
Legenda:
Er el è vegnì en mira dal president tirc -
il schef da la chasa editura tudestga Springer, Mathias Döpfner.
Keystone
La dretgira responsabla a Cologna sa basa en sia decisiun sin la libertad d’exprimer l’opiniun ch’è in dretg fixà en il dretg da basa. In dretg d’omissiun dad Erdogan na resultia n’er betg da quai, che Döpfner haja eventualmain derasà remartgas illegalas da Böhmermann.
L’advocat dad Erdogan aveva gia annunzià ordavant da vulair far recurs tar la secunda instanza, sch’el na betg success tar la dretgira civila e penala da Cologna.
