Georges Loinger (1910-2018) era naschì a Strasbourg sco figl dad ina famiglia gidieua. Durant la segunda guerra mundiala era el daventà partisan che cumbatteva en la resistenza franzosa cunter ils nazis.
Sco trenader da sport ha el organisà champs da stad ch'el ha duvrà sco pretext per pudair manar ad uffants gidieus sur il cunfin en Svizra. Ensemen cun auters aveva el savì salvar uschia radund 350 uffants gidieus dad ina deportaziun en il champ da concentraziun dad Auschwitz.
Loinger è mort il venderdi. Quai ha annunzià a Paris la fundaziun che regurda a la Shoah – al genocid dals gidieus en Europa.
RR novitads 11:00+