-
Bild 1 von 9Legenda: Il motiv daco che la punt è crudada n'è betg enconuschent. Keystone -
Bild 2 von 9Legenda: La notg da mardi sin mesemna han las lavurs enturn la punt sballunada cuntinuà. Reuters
-
Bild 3 von 9Legenda: Las forzas da salvament tschertgan survivents. Keystone
-
Bild 4 von 9Legenda: Il mardi vers las 12:00 è la punt crudada ensemen. Keystone
-
Bild 5 von 9Legenda: Punt d'autostrada sballunada a Genua. Keystone
-
Bild 6 von 9Legenda: Entant sajan duas persunas vegnidas spendradas or da las ruinas da la punt. Keystone
-
Bild 7 von 9Legenda: La punt Morandi a Genua ch'è crudada ensemen. Keystone
-
Bild 8 von 9Legenda: Las restanzas dal Ponte Morandi ch'è dada ensemen il mardi. Reuters
-
Bild 9 von 9Legenda: Pumpiers ed auters gidanters tranter las restanzas da la punt sballunada a Genua. Reuters
- Ina part dal Ponte Morandi era dada ensemen il mardi enturn mezdi.
- Il dumber da persunas mortas confermadas muntan a 42 morts.
- Tenor il gestiunari da l'autostrada vegnivan fatgas lavurs da mantegniment.
- Las autoritads discurran da «flaivlezzas structuralas» da la punt.
- L'EDA na sa nagut d'unfrendas svizras
Tranter las unfrendas sajan era trais uffants en la vegliadetgna da 8, 12 e 13 onns, quai rapporta l’agentura da novitads Ansa che sa referescha ad indicaziuns dal ministeri da l'intern. Las lavurs da salvament han durà l’entira notg. Il mument na datti anc naginas indicaziuns daco che la punt d'autostrada è sballunada.
La disgrazia
Il mardi enturn mezdi era il Ponte Morandi a Genua sballunà. Plirs autos e camiuns eran crudads en la profunditad, auters eran smatgads tranter las ruinas da la punt. Per raschuns da segirezza han ils pumpiers evacuà bleras chasas en vischinanza da la punt.
Tenor infurmaziuns da la citad da Genua n'hai dà naginas unfrendas svizras tar la sballunada. Quai ha il Departament federal d'affars exteriurs communitgà la mesemna.
I vegniva lavurà
Il mument vegniva lavurà vi da la punt, ha la firma gestiunaria «Autostrade per Italia» communitgà sin sia pagina d'internet. Sin la punt saja ina crana stada en funcziun. Ed els hajan adina controllà il stadi da la punt e co che las lavuras sajan s'avanzadas. E la firma scriva ch'els possian pir dir insatge davart las raschuns per la disgrazia suenter che l'access al lieu da la disgrazia saja pussaivel senza ristg.
La punt devi passa 50 onns
Construì è il Ponte Morandi l'onn 1967. Sco la Ansa rapporta, supponan las autoritads che la punt saja sballunada pervi da deblezzas da la construcziun. La punt che maina sur in quartier d'industria ora, ha en tut ina lunghezza da 1'182 meters e fa part da la rait d'autostradas da la citad da Genua. Ella furma il cumenzament da l'autostrada A10 da Genua a Ventimiglia che maina per lung la Riviera taliana fin al cunfin cun la Frantscha.
42
7RR novitads 14:00 ++