Legenda:
Milliuns d’emploiads u anteriurs emploiads da la regenza americana pudessan esser pertutgads da l'attatga.
Keystone
cuntegn
Exteriur - Hackers sblundregian computer da la regenza americana
Nunenconuschents hackers èn entrads en ils computers da la regenza americana cun datas persunalas da probablamain milliuns d’emploiads da stadi. L’Office of Personal Management OPM ha infurmà circa quatter milliuns Americans che lur datas pudessan esser enguladas.
I sa tractia da datas sensiblas che possian era vegnir duvradas per acts criminals finanzials. Pertutgadas sajan datas da collavuraturs dal stadi e d’anteriurs collavuraturs. Il ministeri da la protecziun da la patria ed la polizia federala FBI han cumenzà cun las investigaziuns.
