Legenda:
Il minister da finanzas grec vul schliar dispita da debits.
Keystone
cuntegn
Exteriur - Grezia na pretenda tuttina betg remissiun dals debits
Il minister da finanzas grec Yanis Varoufakis ha preschentà ina nova soluziun per schliar la dispita da debits. En in’intervista cun la “Financial Times” ha Varoufakis ditg che la regenza grecca na pretendia betg ina remissiun dals debits.
Enstagl d’ina remissiun duai la debitaziun vegnir spustada sin differentas conversiuns da debits. Plinavant ha il minister da finanzas ditg che la Grezia possia senza il burdi dals tschains cuntanscher in surpli dad 1 enfin 1,5%, era sche quai muntia che betg tut las empermischuns possian vegnir ademplidas. Era saja planisà d’evitar las sperditas fiscalas da Grecs ritgs.
