Ina facultad da 112 milliardas dollars posseda Jeff Bezos. Quai èn 40 milliardas dapli ch'anc avant in onn. L'um da 54 onns ha uschia stgatschà Bill Gates da l'emprim plaz. Il fundatur da Microsoft ha bain er pudì augmentar sia facultad, dentant «mo» per 4 milliardas e sa chatta uss sin plaz dus.
Il president american Donald Trump dal reminent vegn anc sin plaz 766 cun bun 3 milliardas dollars. Sia facultad è sa diminuida per 400 milliuns dollars cumpareglià cun l'onn avant, cura ch'el sa chattava anc sin plaz 544.
Anc mai tants milliardaris
En tut ils 33 onns che Forbes fa gia questa rangaziun, n'hai anc mai dà tants milliardaris sco quest onn. Actualmain èn quai numnadamain 2208. Lur facultad totala munta a 9 billiuns dollars. Ils blers milliardaris vivan en l'America ed en la China.
RR novitads 06:00
