Legenda:
Cun ina minuta da silenzi ha la Frantscha commemorà oz las unfrendas da Nizza.
Reuters
cuntegn
Exteriur - Franzos taschan per las unfrendas da Nizza
Cun ina minuta da silenzi ha la Frantscha commemorà oz las unfrendas da Nizza. En l’entir pajais è la vita publica sa fermada per in mumentin sur mezdi. Ils zains da las baselgias han tutgà è millis da persunas han commemorà a las unfrendas da la gievgia passada.
A Nizza èn sa radunads millis da persunas sin la «promenade des Anglais» nua che l'attentader aveva charrà in camiun en ina fulla da glieud e mazzà almain 84 persunas.
A la ceremonia è sa participà era il primminister franzos Manuel Valls. El saja vegnì tschivlà ora, uschia reporters al lieu. Igl ha dà critica ch’el haja fatg memia pauc per proteger la populaziun.
