Legenda:
L'economia americana saja entant robusta avunda da supportar l'augment, uschia la Fed.
Reuters
cuntegn
Exteriur - FED augmenta il tschains directiv
La banca naziunala americana Federal Reserve Fed augmenta per la prima giada dapi in onn il tschains directiv. Quel crescha per in quart punct ed è uschia tranter 0,5 e 0,75%, sco quai ch'ils survegliaders monetars communitgeschan.
L'economia americana saja entant robusta avunda da supportar quest augment. Suenter signals da la scheffa da la Fed Janet Yellen avevan ils martgads da finanzas fatg quint cun quests pass.
Tge è il tschains directiv?
Avrir la boxSerrar la box
Il tschains directiv è la taxa tar la qualla las bancas americanas emprestan daners ina tranter l'autra, per uschia tegnair lur reservas tar la banca centrala sin l'autezza ch'è prescritta.
Effects per l'entir mund
Il martgà da lavur american è sa mussà l'ultim temp sco fitg stabil. La quota da dischoccupaziun è il mument tar 4,6%. La politica da tschains dals Stadis Unids ha surtut in grond effect en pajais da svilup. Là vegnan bleras fatschentas regladas en dollars americans.
Betg cler resta quant lunsch che la politica economica da la nova regenza dal president Donald Trump vegn ad influenzar la politica monetara futura. Per il 2017 quintan ils survegliaders en media cun 3 ulteriurs augments dal tschains directiv.
