L'onn passà hajan els dumbrà mo 51 novs cas da la paralisa infantila, annunzian las autoritads pakistanas. Quai saja la cifra la pli bassa dapi il 2007.
Dasper en il Pakistan haja sulettamain anc dà en l'Afghanistan novas infecziuns da polio - sco l'Organisaziun mundiala da la sanadad WHO scriva. Il 2015 han ins dumbrà là 19 cas novs.
Il 2014 eran en tut anc vegnidas annunziadas 359 novas infecziuns en 9 pajais. La WHO a la finamira d'extirpar la paralisa infantila fin il 2018.
RR Novitads 21.00