Legenda:
La decisiun da Trum da renconuscher Jerusalem sco chapitala saja la «schlaffada dal tschientaner» di il Abbas.
Keystone
cuntegn
Exteriur - Critica per Trump dal president palestinais Abbas
Il president Palestinais Mahmud Abbas ha crititgà vehementamain la politica dal president american Donald Trump davart il Proxim Orient. Che Trump haja renconuschì Jerusalem sco chapitala israeliana saja la «schlaffada dal tschientaner», uschia Abbas.
Ins n'acceptia betg il plan da Trump, uschia Abbas tar in inscunter dal cussegl central. Ils Stadis Unids na possian betg pli surpigliar la rolla da mediatur ed il process da pasch dad Oslo saja mort.
Nossa citad eterna è Jerusalem e nus na vegnin betg ad acceptar d'enstagl far Abu Dis sco nossa chapitala.
Jerusalem
Avrir la boxSerrar la box
Ils Palestinais pretendan ina part da l'ost da la citad da Jerusalem sco chapitala din pajais independent futur. L'Israel aveva conquistà il 1967 durant la guerra da sis dis e silsuenter annectà la citad. Il status da la Jerusalem è il tema il pli cumplitgà ed emoziunal entaifer il process da pasch.
Represchentants dals Stadis Unids hajan proponì il lieu en la periferia Abu Dis sco remplazzament per la citad da Jerusalem. Quai n'acceptia il president palestinais dentant betg.
