Legenda:
Stephen O'Brien, il coordinatur da l'ONU per agid d'urgenza discurra d'ina situaziun turpegiusa.
Keystone
cuntegn
Exteriur - Crisa umanitara senza paregl
Passa 13 milliuns umans en la Siria dovran urgentamain agid umanitar. Quai ha ditg il coordinatur da l'agid d'urgenza da l'ONU, Stephen O'Brien avant il cussegl da segirtad a New York.
4,6 milliuns d'els vivian en regiuns mal accessiblas. Las autoritads sirianas ed autras partidas da cumbat impedeschian anc adina a las organisaziuns d'agid l'access a blers basegnus.
La miseria da mintga di e la situaziun umanitara per ils pertutgads saja turpegiusa. Ils umans n'hajan betg la pussaivladad dad ir davent ed els hajan memia pauc aua da baiver. Plinavant manchia la tgira medicinala. Per surviver stoppian blers mangiar pastg.
