Legenda:
Il vicepresident da la cumissiun da l’UE, Frans Timmermans pretenda garanzias da la Tirchia.
Keystone
cuntegn
Exteriur - Crisa da fugitivs: UE vul garanzias da la Tirchia
Areguard la cunvegna planisada cun la Tirchia pretenda la cumissiun da l'Uniun europeica garanzias per ils fugitivs. La cunvegna prevesa dad impedir che fugitivs vegnian illegalmain en l'UE.
Ins stoppia examinar mintga singula persuna che dumondi protecziun. I na dastgia betg dar refusadas collectivas. Quai ha ditg il vicepresident da la cumissiun da l’UE, Frans Timmermans a Brüssel.
Tenor in sboz da la cunvegna prendess la Tirchia enavos migrants e fugitivs. Percunter prendess l'UE si per mintga fugitiv renvià in auter fugitiv da la Siria directamain ord la Tirchia.
