Il president da la Cipra greca Nikos Anastasiadis e ses collega tirc Mustafa Akinci sajan sa radunads la damaun a Mont Pèlerin sur il Lai da Genevra. Quai rapporta la televisiun statala cipriota.
Sut l'egida da las Naziuns Unidas discurran els davart la reuniun da l'insla ch'è dividida dapi passa 4 decennis. Tar ils discurs vai surtut per il tema dispitaivel dals cunfins tranter la Cipra greca e la part en il nord che tutga tar la Tirchia. La finamira è da stgaffir in stadi federalistic da dus stadis politics cun ils medems dretgs. L'ultim pled ha la finala il pievel.
RR novitads 11:00