Legenda:
La paina ordinada è fin uss la pli auta per ina banca el sectur da clients privats en la Gronda Britannia.
Reuters
cuntegn
Exteriur - Banca Lloyds sto pajar 168 milliuns francs
La banca britannica per part statala Lloyds Banking Group sto pajar in chasti da 168 milliuns francs. Ella haja vendì assicuranzas sin credits inutilas, quai communitgescha la surveglianza da finanzas britannica.
Cunzunt a clients pitschens aveva la banca vendì in’assicuranza inutila. Per Lloyds dentant era quai ina fatschenta lucrativa. Reclamaziuns da clients eran vegni refusads senza examinar els exact.
Perstgisa e restituziun
La banca Lloyds - ch’appartegn per 19% al stadi Britannic - è s’exculpada tar ils clients ed ha annunzià da vulair reducir ils pajaments da bonus pervi dal chasti. En favur da clients ch’eran vegni donnegiads ha la banca mess enavos 12 milliardas pfunds.
