Legenda:
Thomas Strobl da la CDU (san.) e Winfried Kretschmann dals Verds procuran per in novum en la Germania, numnadamain ina coaliziun verd-naira.
Keystone
cuntegn
Exteriur - Baden Württemberg: Kretschmann regia cun la CDU
En Germania è la via libra per l’emprima regenza verd-naira: En il Bundesland Baden-Württemberg èn ils Verds e la CDU sa cunvegnids ad in contract da coaliziun.
Las duas partidas sajan tranter auter perina co reparter ils ressorts – omadus survegnan numnadamain 5 ministeris. Quai han communitgà il primminister da Baden-Württemberg, Winfried Kretschmann dals Verds ed il schef da la CDU dal Bundesland, Thomas Strobl a Stuttgart.
Els preschentan il contract glindesdi. La basa dad omaduas partidas sto anc approvar la cunvegna da lur dis da partida.
