Legenda:
L'auto è explodì durant ch'el charrava.
Keystone
cuntegn
Exteriur - Auto explodescha amez Berlin – 1 mort
A Berlin è in automobilist mort perquai che ses auto è explodì, quai ha confermà la polizia. Davart las raschuns per l’explosiun na fa ella però naginas indicaziuns
Ulteriurs blessads na datti tenor emprimas enconuschientschas betg. Experts per la tecnica criminala e la cumissiun d’omicidi sajan stads al lieu.
Sco quai ch’in pledader da la polizia ha ditg saja la chargia explodida durant che l’um charrava en direcziun dal center da la citad. Silsuenter è il vehichel anc collidà cun in auto ch’era parcà.
