Legenda:
Gidanters tschertgan anc las 79 persunas ch'èn sparidas.
Keystone
cuntegn
Exteriur - Almain 4 morts suenter explosiun da gas
Tar ina greva explosiun da gas en ina chasa da pliras famiglias a Magnitogorsk en la Russia èn mortas almain 4. persunas. 79 persunas èn anc sparidas, han represchentants da las autoritads ditg a l'agentura da novitads statala RIA Nowosti.
Uffizialmain sajan annunziadas 110 persunas en las 48 abitaziuns. Tozzels da persunas èn blessadas u valan sco sparidas. Tenor las autoritads hajan ins pudì salvar fin uss 10 persunas blessadas e 16 persunas hajan bandunà las ruinas senza blessuras. Il viceguvernatur da Tscheljabinsk, Oleg Klimow, ha discurrì da 79 persunas sparidas.
Al lieu da la disgrazia èn bunamain 500 persunas e 70 chavaterras en acziun per tschertgar ulteriuras persunas en las ruinas. Las temperaturas bassas da minus 17 grads engrevgeschan las lavurs.
