Legenda:
Blers ston vegnir transportà en l'ospital pervi da culps da chalira.
Keystone
cuntegn
Exteriur - Almain 150 moran pervi da chalira en Pakistan
En il Pakistan regia il mument in’unda da chalira cun temperaturas da passa 45 grads. Tenor indicaziuns uffizialas han las chaliras chaschunà fin ussa radund 150 unfrendas.
Sulettamain en la citad da port Karachi en il sid dal pajais haja quai dà 130 unfrendas. Las bleras unfrendas sajan mortas da culps da chalira u da spussada.
L’unda da chalira croda ensemen cun il Ramadan, il mument fan blers Muslims gigina da la levada dal sulegl fin la rendida. En il pajais vischinant, l'India eran mortas l'avrigl e matg almain 2'500 persunas pervi dad in’unda da chalira.
