Tenor la gasetta mussa il video da 51 minutas pliras parts d'in pled da Trump. Per exempel la passascha nua che Trump pretenda che l'entrada en il pajais da persunas muslimas stoppia vegnir impedida.
Experts americans taxeschan il video sco autentic. El ha en mira Afro-Americans ed intimescha quels da convertir a l'islam e sa participar al Dschihad. Latiers mussia il video violenza da polizists americans cunter nairs. Tenor la gasetta New York Times saja quai l'emprima giada che Trump cumpara en in video da dschihadists.
La concurrenta da Trump, la democrata Hillary Clinton, aveva pretendì il december che terrorists da la milissa terroristica Stadi Islamic hajan fatg reclama cun Trump. Clinton n'ha dentant betg pudì cumprovar sia pretensiun.
RR novitads 15:00