Exteriur - AC/DC ha da prender cumià: «Malcolm, job well done»
Cun Malcolm Young perda la band da hard-rock AC/DC ses ghitarrist e co-fundatur ed il mund da la musica ina da sias legendas. Malcolm Young era cun ses frar Angus fundatur dad AC/DC. Da la mort da Malcolm Young rapportan diversas agenturas da novitads.
1 / 4
Legenda:
Malcolm Young è mort –
l'annunzia da sia mort sin la pagina dad AC/DC en la rait.
http://www.acdc.com/news?n_id=364
2 / 4
Legenda:
Ils frars Angus e Malcolm Young (da san.)
durant la preschentaziun da lur album «Stiff Upper Lip» a Madrid l’onn 2000.
Keystone
3 / 4
Legenda:
AC/DC l’onn 2003 a Londra:
Malcolm Young, Brian Johnson, Angus Young, Phil Rudd e Cliff Williams (da san.).
Keystone
4 / 4
Legenda:
La show «Rock or bust» dad AC/DC l’onn 2015 a Turitg en il Letzigrund.
Keystone
Il num «AC/DC» ...
Avrir la boxSerrar la box
Legenda:
Reuters
.. è inspirà da la sor dals Youngs, da Margaret, sa il lexicon online Wikipedia: Ella haja legì davosvart sin sia maschina da cuser questa scursanida e manegià, che quai saja in bun num per ina band. AC e DC èn las scursanidas englaisas per current alternant (Alternating Current) e current cuntinuà (Direct Current).
En profunda tristezza haja AC/DC dad annunziar questa sonda la mort da Malcolm Young, scriva la band sin sia pagina en la rait. Ella lauda Young en sia «dedicaziun enorma ed en ses engaschi» sco motor da la band:
Young aveva 64 onns. Malcolm Young pativa gia dapi plirs onns da demenz e na pudeva betg pli giugar cun la band.
Aifer gnanca in mais moran uschia ils segund dals trais frars Young. Il «mentur» dad AC/DC, il musiker australian George Young, era mort ils 23 d'october 2017 cun 70 onns.
El lascha enavos ina ierta enorma che vegn a viver per adina. Malcolm, bain fat.