Legenda:
Danovamain han attentaders da suicidi attatgà in post da polizia en l'Afghanistan. (maletg d'in'attatga dals 10 da favrer 2015).
Reuters
cuntegn
Exteriur - 22 policists moran tar in'attatga
Tar in attentat da suicidi en l’Afghanistan èn 22 policists morts. Sco las autoritads han confermà hajan 4 Islamists radicals da la gruppaziun dals Taliban attatgà in post da polizia en l’ost da la chapitala Kabul.
In dals attentaders è sa siglientà en l'aria a l'entrada principala dal post da polizia ed ha mazzà in policist. In auter attentader ha envidà ina bumba en la mensa e mazzà uschia 21 policists. Era ils dus ulteriurs attatgaders sajan vegnids per la vita. Ils Taliban èn sa declerads responsabels per las attatgas.
