Pervi da cunvegnas da pretschs betg lubidas punescha la cumissiun da l'Uniun europeica plirs constructurs da camiuns cun in chastì da record da passa 2,9 milliardas euros. Pertutgads èn Daimler, Iveco, DAF e Volvo/Renault. Quai communitgeschan ils protecturs da concurrenza a Brüssel.
La figlia da VW, MAN mitscha senza chastì, damai ch'ella ha dà las infurmaziuns. Il cartel fundà il 1997, è stà activ durant 14 onns. Il cartel era sa cunvegnì davart pretschs da vendita e davart termins per introducir tecnologias novas per minimar las emissiuns.
RR novitads 15:00
sda/gc