Uschia duess la vestgadira adina cuvernar tut il corp, però en moda ligera e largia e consister d’ina stoffa da mangola ch’è permeabla per l’aria. Fitg impurtant è er la protecziun cunter ils radis da sulegl.
Nora e Masuma mettian adina si ina crema cun in factur da protecziun d’almain 30 han declerà duas giuvnas dal Catar.
Datlas èn il meglier
Per superar lungs viadis tras il desert duess ins mangiar fritgs setgs. Il meglier sajan datlas. Quellas na saduleschian betg, ellas sajan er fitg bunas per la circulaziun da las chommas, ha tradì Abdachman El Abrahim, in beduin che lavura durant tut l’ExpoMilano tar il pavigliun dal Catar. Perquai cusseglia el als visitaders da l’exposiziun da s’equipar cun tals fritgs. Sche pussaivel er betg baiver rauba memia fraida, il corp dovra numnadamain dapli energia per adattar la temperatura da la bavronda a l’atgna.