En quellas turs arrivan ins cun in ascensur ch’è emplenì cun products svizzers: café, aua, maila e sal. Durant che las turs sa svidan stgatla per stgatla, vegn er la plattafurma sbassada. Mintgin po pigliar cun sai quant ch’el vul.
El ha però da savair che la tur na vegn betg pli emplenida fin la fin da l’exposiziun ils 31 d’october. Cunquai sa mida era la structura dal pavigliun svizzer. Ils visitaders duain vegnir animads da ponderar davart lur cumportament da consum.
Ils pleds “encletga”, “resguard” ma er “engurdientscha” han differents effects sin ils visitaders. Entant ch’ils ins piglian be in satgin café cun sai, han auters er gia piglià cun sai in’entira stgatla.