Expo Milano 2015 - “Bainvgnieus” a l’exposiziun mundiala
La Samedrina Marina De Fillipi lavura durant tut ils 6 mais en il pavigliun svizzer. Vestida cun in chapè da strom e l’unifurma naira beneventescha la giuvna engiadinaisa ils giasts a l’entrada dal Padiglione Svizzero.
Ella haja gì fitg bunas schanzas per survegnir il job. Quai, grazia a sia savida da linguas, tranter auter er tut las quatter linguas naziunalas.
Alloschi han ils numerus emploiads en ils sgrattatschiels da colur a l’ur da l’ExpoMilano. Uschia er Marina De Filippi. Il quartier è vegnì realisà aposta per l’eveniment e sa numna Expo Village.