-
Bild 1 von 12Legenda: Tschientmillis spetgan da tutt'aura che retg Charles III e la Queen Consort Camilla bandunian il Buckingham Palace sin via a l'encurunaziun. Reuters -
Bild 2 von 12Legenda: Charles III e Camilla en il tiel vers la Westminster Abbey. Reuters
-
Bild 3 von 12Legenda: En la «Diamond Jubilee State Coach» vegnan retg Charles III e regina Camilla charrotschads a l'encurunaziun en la Westminster Abbey. Reuters
-
Bild 4 von 12Legenda: Retg Charles III arriva en la Westminster Abbey, nua ch'el vegn incurunà. Reuters
-
Bild 5 von 12Legenda: Charles III e Camilla durant la ceremonia d'incurunaziun en la Westminster Abbey a Londra, Keystone
-
Bild 6 von 12Legenda: L'act da l'encurunaziun da Charles III curt avant l'intronisaziun. SRF
-
Bild 7 von 12Legenda: Prinzi ereditar William engira sia fidaviladad al retg Charles III. SRF
-
Bild 8 von 12Legenda: Retg Charles III e regina Camilla suenter l'encurunaziun dad omadus. SRF
-
Bild 9 von 12Legenda: Retg Charles e regina Camilla sin via enavos en il Buckingham Palace – escortads da la chavallaria roiala. SRF
-
Bild 10 von 12Legenda: Retg e regina dal Reginavel Unì – encurunads ed intronisads. Camilla dastga ussa sin giavisch da Queen Elizabeth barmier II sa numnar «Queen» e betg mo «Queen Consort». Reuters
-
Bild 11 von 12Legenda: Retg Charles III e regina Camilla sa preschentan sin il balcun dal Buckingham Palace a la populaziun. Reuters
-
Bild 12 von 12Legenda: Tschientmillis han suandà la ceremonia ed il viadi dals roials. La saira cuntinuescha il program cun in concert al chasti da Windsor, tranter auter cun Takte That, Lional Richie, Andrea Bocelli e Katy Perry. Reuters
Suenter l'encurunaziun ha retg Charles III prendì plaz sin il tron cun las insignias e la curuna. Cun quest act simbolic en la Westminster Abbey a Londra è el ussa intronisà sco retg dal Reginavel Unì. Quai accumpagnà da pleds da l'archuvestg da Canterbury. Suenter è era sia consorta Camilla vegnida encurunada,ha era retschavì l'ieli sontg ed in anè che simbolisescha sia letg cun il reginavel. L'encurunaziun da Camilla è para stà in giavisch explicit da Queen Elizabeth II. Fin ussa è ella stada «Queen consort» – ed a partir dad ussa dastga ella sa numnar «Queen».
Suenter duas uras d'encurunaziun ed intronisaziun fineschan las ceremonias cun l'imni naziunal britannic «God Save the King». Lura sa metta il pèr roial sin via envaos en il Buckingham Palace.
Monarchists ed opponents èn stads preschents
Per l'encurunaziun èn tschientmillis persunas sin las vias da Londra. Sco che SRF rapporta eran las bunas plazzas vi da la via da la processiun gia occupadas la bun'ura. Avant la ceremonia hai er dà protests d'opponents da la monarchia. Activistas ed activists discurran da 6 persunas arrestadas, rapporta l'agentura da novitads britannica PA. Era il schef da l'organisaziun «Republic» saja vegnì arrestà.
Giasts roials, politics e da cultura
A la ceremonia divina èn vegnids giasts prominents da l'entir mund a Londra. Sco represchentants dad autras monarchias europeicas èn vegnids Willem-Alexander e Máxima dals Pajais Bass, Felipe e Letizia da la Spagna sco era Carl Gustaf e Victoria da la Svezia. Per la chasa roiala dal Danmarc èn vegnids il prinzi ereditar Frederik e la princessa ereditara Mary, lura era Haakon e Mette-Marit da la Norvegia. Il pli giuven fegl da retg Charles III – prinzi William – ha assistì persul a la ceremonia. Sia dunna Meghan saja restada a chasa en ils Stadis Unids cun ils uffants.
Sper ils giasts roials èn era stads prschents giasts politics sco il president franzos Emmanuel Macron, la presidenta da la cumissiun da l'UE Ursula von der Leyen, il primminister canadais Justin Trudeau, ils anteriurs primministers britannics Boris Johnson e Tony Blair, la first lady dals Stadis Unids da l'America Jill Biden e la dunna dal president ucranais Olena Selenska. Però era stars populars sco Katy Perry u era Lionel Richie han pudì assistir a la ceremonia. Il president da la Confederaziun Alain Berset ha represchentà la Svizra tar l'act festiv en la Westminster Abbey.
Pli modern e pli pitschen:
Charles para da vulair ir cun il temp, perquai duai tut esser inpà pli pitschen e pli mudest che tar sia mumma Queen Elisabeth. L'entira encurunaziun duai cuzzar pli curt, pia be duas uras empè da trais sco tar sia mamma. Ultra da quAi ha Charles per l'emprima giada envidà represchentats dad autras religiuns che fan part a la ceremonia. Era sch'i va per il dresscode duai tut esser pli simpel, perquai vegn giavischà dals hosps pli mudesta vestgadira e betg oppulents e pompus vestgius. Charles sez haja en il senn da vegnir en sia uniforma da militer e na betg en chautschas chatschiel e trachta.
Ils giasts:
Tar l'encurunaziun da Queen Elisabeth il 1953 eran circa 8'500 persunas envidadas. Quai èn varga 4 giadas dapli che tar Charels. I vegn quintà cun bun 100'000 aspectaturas ed aspectaturs. Tranter ils hosps envidada è era il president da la Confederaziun Alain Berset, Emanuel Macron, Olaf Scholz ed Ursula von der Leyen. Dentant betg be politichers e politicras e roials èn da la partida. Era in u l'auter prominent sco: Tom Cruise, Victoria e David Beckham, Rowan Atkinson, Bear Grylls e Stella McCartney èn da la partida. Per grondas discussiun ha la dumonda sche Harry e Meghan vegnan ad esser da la partida procurà, cunquai ch'els han bandunà la famiglia roiala. Harry vegn ad esser preschents.
Ils custs:
La ceremonia procura per grands custs ì vegn quintà cun custs da 50 fin 100 milliuns pfunds. L'encurunaziun da Queen Elisabeth ha custà da lezzas uras 20.5 milliuns pfunds. Quant ch'ì è effectiv n'è anc betg cler. Malgrà ch'i para sco sche Charles vuless ina pli mudesta encurunaziun èn ils custs auts. Blers raps vegnan tenor rapports cunzunt investì en la segirtad.
A Londra gira
Anna Lee Famos abitescha dapi varga 60 onns a Londra. Pia, dapi ch'ella abitescha en l'Engalterra ha ella be enconuschì Queen Elisabeth II sco monarca. Uss è ella gia marvigliusa co quai vegn ad esser cun Charles III sco retg. Ella sa legra fitg d'observar la festa en la televisiun e da festivar ensemen cun amis ed amias a diversas festas da via.