En ils Stadis Unids da l'America han ils electurs confermà la victoria da Joe Biden a l'elecziun presidiala. Il glindesdi han els dà giu lur vusch en ils singuls stadis federativs. Biden survegn en total 306 vuschs d'electurs, Trump 232.
En ils Stadis Unids vegn il president elegì a moda indirecta. Ils electurs voteschan sco represchentants dal pievel. Atgnamain ina chaussa formala. Pervi da las emprovas da Donald Trump da cumbatter giuridicamain il resultat, ha l'elecziun dals electurs chattà quest onn dapli attenziun.