Legenda:
En intgins lieus ha la polizia stuì intervegnir tar ils demonstrants.
Keystone
cuntegn
Elecziuns Frantscha 2017 - Tumults suenter elecziun en Frantscha
A l'ur da l'elecziun dal president en Frantscha hai dà tumults tranter demonstrants da la sanestra e la polizia. 29 demonstrants sajan vegnids arrestads. Temporarmain sajan passa 140 persunas vegnidas arrestadas. Quai ha communitgà la polizia.
Sis policists e trais demonstrants sajan vegnids blessads levamain dumengia saira. Gruppaziuns antifaschisticas ed anticapitalisticas avevan clamà ad ina «notg da las barricadas» la saira da l’elecziun. La polizia è stada en acziun en grond dumber.
Per il segund scrutini ils 7 da matg, èn la populista da dretg Marine Le Pen ed il liberal sanester Emmanuel Macron sa qualifitgads.
