En il stadi federativ american Texas mantegna la lescha d'abort dispitaivla sia vigur. Pliras clinicas da dunnas n'han gì nagin success cun in plant a la dretgira suprema dal Texas. Ils meds legals sajan quasi duvrads si – il cumbat cunter la lescha effectivamain a fin, ha ditg in advocat da las planschidras. La lescha d'abort dal Texas è dapi il settember passà en vigur. Ella scumonda mintga abort, uschespert ch'ins ha constatà il battacor dal fetus.
Atgnamain èn aborts lubi en ils Stadis Unids da l'America fin a la 24avla emna da la gravidanza. Quai suenter ina decisiun da prinzip da la dretgira suprema dals Staids Unids da 1973.