Deutsche Bahn - La chauma cuntinuescha – er oz scrodan trens en Germania

Er mardi na van strusch trens en Germania. Ils blers crodan ora e quels che van vegnan ad avair retrard. Il sindicat dals locomotivists GDL cuntinuescha cun la chauma. En il traffic a lunga distanza curseschan be enturn 30% dals trens – en il traffic regiunal enturn 40%. Pir la notg che vegn enturn las duas duai la chauma esser a fin. Cun la chauma vul il GDL dapli paja e meglieras cundiziuns da lavur per locomotivistas e locomotivists. Quai è gia la segunda chauma dal persunal en questa runda da tractativas da tariffas. Questa giada han passagieras e passagiers dentant gì dapli temp da sa preparar sin la chauma.