Cun 65 onns - David Sassoli è mort

En l’Italia è il president dal parlament da l’UE, David-Maria Sassoli mort en la vegliadetgna da 65 onns. Quai ha confermà ses pledader envers l’agentura da novitads tudestga DPA. El saja mort en in ospital en la vischnanca d’Aviano en consequenza da grevas complicaziuns d’in disturbi dal sistem d’immunitad. Pir ier èsi vegnì enconuschent che Sassoli saja gia ospitalisà dapli duas emnas. Il socialdemocrat è stà president dal parlament da l’UE dapi il 2019. Ses temp d'uffizi fiss scadì l'emna proxima.