Suenter il naufragi da la regenza dretg-conservativa en l’Austria era tut che spetgava il termin per las elecziuns novas. Uss han decis la regenza ed il parlament da fixar quel sin ils 29 da settember.
Ils socialdemocrats da la SPÖ e la partida liberala FPÖ avevan giavischà quest termin per evitar in cumbat electoral durant la stad. La partida populara ÖVP da l'anteriur chancelier Sebastian Kurz avess gugent tegnì las elecziuns pli baud.
ll terratrembel causà dal scandal da video enturn l’anteriur vice-chancelier da la FPÖ Heinz-Christian Strache aveva mess la mesadad da matg ina fin a la coaliziun da regenza tranter la ÖVP dal chancelier Sebastian Kurz e la FPÖ.
RR novitads 12:00