Il schef da la regenza separatistica da la Catalugna, Quim Torra, vegn relaschà da ses uffizi. Il tribunal suprem da la Spagna ha confermà la sentenzia da l’instanza precedenta. Tenor quella na po Torra betg pli surpigliar in uffizi public per ils proxims 18 mais.
A l’um da 57 onns vegn renfatschà malobedientscha. Tar las elecziuns dal parlament spagnol da l’onn passà aveva Quim Torra refusà da prender davent simbols dal moviment per l’independenza da la Catalugna dal sez uffizial da sia regenza a Barcelona e dad ulteriurs edifizis publics.