Dapi 21 onns datti il Di naziunal dal futur. Da lezzas uras anc sco «Di da las figlias» aveva'l ed ha anc adina la finamira da cumbatter clischés e stereotips davart umens e dunnas en la vita professiunala. La finamira è tenor ils organisaturs bain da dar invista en la lavur pratica - però cun sensibilisar giuvnas e giuvens per ina schelta da professiun averta ed independenta dal gender.
Ozendi profiteschan mintg'onn plirs millis giuvens e giuvnas dal Di dal futur, ed adina dapli interpresas sa participeschan, per part cun projects spezials.