Cudeschar vacanzas - Dapli clientella en ils biros da viadi

Era suenter la pandemia èn las destinaziuns preferidas las medemas. Las inslas greccas, las inslas Canarias u era citads en l'Italia. Tuttina, ins è anc adina dependent da las restricziuns en ils differents pajais. Ina gronda midada badan las agenturas da viadi, ch'ils clients vegnan puspè en il biro sez per reservar las vacanzas. I dettia anc bleras dumondas ed intschertezzas ch'ins possia sclerir meglier avant lieu, en il biro da viadi. Quant ditg che questa situaziun duria saja grev da dir. Enfin la fin da l'onn spetga il biro da viadi «Kuoni» d'avair trais quarts da la svieuta dal temp avant la pandemia da corona. Ins speria però che la clientella nizzegia er suenter la pandemia la purschida dals biros da viadi.