L’iniziativa dal pievel pretenda in scumond da far experiments cun animals ed umans en Svizra. En pli vul quella era scumandar l'import da products ch'èn vegnids sviluppads cun agid da tals experiments.
«Experiments cun animals n'èn betg etics ed inutils»
Sper motivs etics, argumenteschan ils iniziants er, ch’experiments cun animals sajan ineffizients. Ils corps d'animals sa differenzieschian memia fitg da quels d'umans. Perquai na possian ins uschia betg far constataziuns relevantas. Da 100 substanzas activas han desditg 95 tar ils experiments cun umans, malgrà che quellas han empermess in tschert success tar experiments cun animals.
Tant il parlament, sco er il Cussegl federal refusan l’iniziativa.
