Andrin Willi vala sco in dals pli profilads schurnalists da gastronomia da noss pajais. Emprendì da cuschinar ha el tranter plattas e padellas da ses bab en l'hotel da famiglia a Mulegns. «Brutal local», sco el di, haja el gia emprendì sco buob. Andrin Willi è adina restà plain mirveglias per vivonda e bavronda indigena, naziunala ed internaziunala. El ha laschà inspirar da las pli diversas culturas culinaricas. Il sal e paiver per daventar expert saja l'interess per tut quai che haja da far cun la gastronomia e culinarica.
Capuns èn bestsellers
«Soul-Food» numna Andrin Willi tranter auter ils capuns e maluns. Sur tut ils capuns ch’èn veritabels «bestsellers» en las cuschinas grischunas, fitg tschertgads e dumandas da giasts e turists. Numerus cuschiniers, era da puncts, emprovan exact cun spaisas e recepts vegls da sevegliar regurdientschas d'uffanza dals giasts.