Ils indicaturs han laschà prevesair il Gea a la lescha da Covid-19. Tuttina n'era betg la maioritad quella che ha tratg l'attenziun durant il cumbat da votaziuns. Ils adversaris da la lescha da Covid-19 han fatg canera – blera canera. E tuttina ha il suveran sustegnì anc pli fitg la politica da pandemia da la Confederaziun e dal parlament che tar l'emprima votaziun.
Er chantuns ch'avevan ditg tar l'emprima votaziun Na, han uss ditg Gea. La poplaziun ha duas giadas approvà la lescha da Covid ed la Svizra è cun quai l'unic pajais insumma che ha pudì vuschar davart ina part da la politica da pandemia da sia regenza.